VOV4.Bahnar - Kơ sơ̆ ‘năr 29/9, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi pơ ma dơ nuh hăm Thủ tướng Cuba Manuel Marrero Cruz tŏk bŏk năm ngôi tơ̆ Việt Nam đơ̆ng ‘năr 28/9-2/10. Tơ̆ jơ pơ ma dơ nuh, Kơ dră Kuôk hô̆i Vương Đình Huệ pơ ma hơ dăh Kuôk hô̆i păng kon pơ lei Việt Nam ling lang oei hơ dai tơ gŭm tơ drong jang kach mang trŏ ƀlep đơ̆ng kon pơ lei Cuba ‘nhŏng oh; lăng kăl, vei răk păng tơ gop hơ tŏk tơ iung hloh dơ̆ng tơ drong mĭnh jơ hngơ̆m, tơ bôl păng pơ vei jang hơ dai gĭt kăl Việt Nam - Cuba.

Kơ dră Kuôk hô̆i pơ ma hơ dăh, Kuôk hô̆i Việt Nam gô hơ nơ̆ng jang hơ dai kơ jăp hăm Kuôk hô̆i Cuba vă pơ ma dơ nuh găh tơ drong jang pơ jing khôi luơ̆t, dăr hơ len, hơ dai hăm jang hơ dai kơ jăp lơ̆m dôm hop akŏm nghị viện apŭng plĕnh teh păng tơ ring. Thủ tướng Cuba pơ ma hơ dăh Cu-ba lăng ‘lơ̆ng tơ drong jang tơ bôl joăt joe gĭt kăl đơ̆ng 2 teh đak hlôi đei Kơ dră Hồ Chí Minh păng Kơ dră Phi-đen pơ jing, đei lơ jơ hnơr Kơ dră chĕp kơ̆l păng kon pơ lei 2 teh đak akŏm jơ hngơ̆m pơm ăn ‘lơ̆ng hloh dơ̆ng.

VOV - Thuem tơ blơ̆