VOV4.Bahnar - Pơ gê ‘năr 9-2, Kơ dră Kuôk hô̆i Vương Đình Huệ hlôi năm soh nhang ƀlŏk hơ dơ̆r kơ đe ƀok yă đei kŏng hăm hăm teh đak sơ̆ tơ̆ Hnam soi Kính Thiên, Anih gru groa Hoàng thành Thăng Long, Anih tơm Hà Nội. Lơ̆m hơ nih sĭt tơ̆ Hoàng thành Thăng Long, Kơ dră Kuôk hô̆i Vương Đình Huệ kŭm hăm dôm bơ ngai tang măt hlôi kŭp yom soh nhang ƀlŏk hơ dơ̆r; tơ roi tơ băt tơ̆ pơ hngol đe ƀok yă đei kŏng hăm kach mang sơ̆ găh dôm jơ nei pơ jing, hơ tŏk tơ iung teh đak; apĭnh ăn teh đak rơ ngei hiôk, kon pơ lei sơ đơ̆ng ‘lơ̆ng; pơ kăp hơ drin hơ tŏk tơ drong joăt joe rơ bâu sơ năm ‘lơ̆ng hơ iă, dôm kơ jă kăp gĭt đơ̆ng hơ drĕch hơ drŭng; tơ iung tơ drong hơ pơi ‘meh hơ tŏk tơ iung teh đak hơ nŭk hơ no, hiôk hian, hơ tŏk đon hơ drin păng jơ hngơ̆m pran tơ goăt tơ goăl đĭ đăng hơ drĕch hơ drŭng, tŭn pran tơ drong jang tơ plih ‘nao, teh đak hơ gei. Pơ ma dơ nuh hăm kang ƀô̆, bơ ngai jang kơ Anih gru groa Hoàng thành Thăng Long, Kơ dră Kuôk hô̆i Vương Đình Huệ ‘meh vă, kang ƀô̆, bơ ngai jang kơ anih grua groa hơ drin vei lăng dôm kơ jă kăp gĭt kơ Hoàng thành Thăng Long; hơ drin tơ roi tơ băt găh dôm kơ jă kăp gĭt jơ hnơr arih kơ anih gru groa, tơ gop pơ jing Anih tơm păng teh đak, tơ găl hăm đe ƀok yă sơ̆.

Thuem: Tơ blơ̆