VOV4.Bahnar - Drơ̆m kơ sơ̆ ‘năr 16/3, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi sơng ƀok Giu-li-út Ma-đa Bi-ô, Kơ dră tơm teh đak Xi-ê-ra Lê-ôn ƀlep lơ̆m ‘măng năm tơ mang tơ̆ Việt Nam đơ̆ng ‘năr 14-20/3. Tơ̆ jơ sơng, Kơ dră Kuôk hô̆i pơ ma hơ dăh, Kuôk hô̆i Việt Nam trong jang pơ̆ih să, pơ trŭt jang hơ dai hăm Nghị viện dôm teh đak lơ̆m đĭ đăng dôm châu lục, lơ̆m pơ đĭ hloi tơ drong jang hơ dai nghị viện 2 pang păng lơ pang.

Hăm dôm teh đak lơ̆m tơ ring châu Phi, Kuôk hô̆i Việt Nam pơ vei tơ ƀơ̆p pơ ma dơ nuh hăm Nghị viện, Nghị sĩ dôm teh đak, pơ trŭt jang hơ dai Nghị viện, pơ jing grŭp Nghị sĩ tơ bôl hăm Nghị viện lơ teh đak kiơ̆ đơ̆ng noh pơ trŭt pơ vei mŭk drăm, mơ dro sa, tơ mơ̆t jên jang, joh ayŏ - pơ tho pơ hrăm đơ̆ng 2 păh. Kơ dră tơm teh đak Xi-ê-ra Lê-ôn pơ ma hơ dăh, Kuôk hô̆i Việt Nam đei hơ năp jang gĭt kăl lơ̆m vei lăng teh đak, Kơ dră tơm teh đak Xi-ê-ra Lê-ôn drơ̆ng nơ̆r hăm Kơ dră Kuôk hô̆i anih jang pơ jing khôi luơ̆t 2 teh đak hơ tŏk loi dơ̆ng jang hơ dai, vang tơ gŭm băl, hơ tŏk tơ drong pơ vei ‘lơ̆ng hơ iă.

Thuem: Tơ blơ̆