VOV4.Bahnar - Pơ gê 19/7, Kơ dră Kuô̆k hô̆i Vương Đình Huệ sơng Kơ dră chĕp kơ̆l Ban Bí thư, Phŏ Kơ dră tĕh đak Cộng hòa Dân chủ Nhân dân Lào Bounthong Chitmany păng Khul tang măt ăn Đảng, tĕh đak Lào oei năm hơ pong păng bơ̆ jang tơ̆ Việt Nam. Kơ dră Kuô̆k hô̆i Vương Đình Huệ pơ ma hơ dăh, kŭm hăm tơ drong 2 tĕh đak bơ̆ jang ‘lơ̆ng kiơ̆ tơ drong drơ̆ng nơ̆r đơ̆ng kuan tih 2 Đảng, 2 tĕh đak, 2 Kuô̆k hô̆i hlôi đei tơ drong drơ̆ng nơ̆r jang hơ doi tôch rơ đăh.

Kơ dră Kuô̆k hô̆i Vương Đình Huệ sơng Phŏ Kơ dră tĕh đak Lào

Lơ̆m ‘măng năm hơ pong tơ̆ Lào ƀât khei 5-2022, 2 ‘nu Kơ dră Kuô̆k hô̆i 2 tĕh đak hlôi kĭ tơ drong drơ̆ng nơ̆r jang hơ doi vă hơ tŏk tơ drong jang hơ doi păng hơ tŏk tơ drong đei yoa đơ̆ng 2 Kuô̆k hô̆i, tơ gop hơ met pơ ‘lơ̆ng, tưk tơ iung tơ drong pơ vei đơ̆ng 2 Đảng, 2 tĕh đak păng kon pơ lei 2 păh. Bơ̆ jang kiơ̆ tơ drong drơ̆ng nơ̆r ‘nao đei kĭ pơ kăp, Phŏ Kơ dră Kuô̆k hô̆i Lào Sommad Pholsena chĕp kơ̆l khul tang măt ăn Kuô̆k hô̆i Lào năm hơ pong, bơ̆ jang tơ̆ Việt Nam vă pơ ma nuh, tơ chĕng hơ len, dăr hơ len, tơ chơ̆t dôm tơ drong gĭt kăl kơ tĕh đak, mă loi jĭ dôm tơ drong tơ mât jên jang đơ̆ng tĕh đak păng tơ drong vei lăng jơ̆p lơ̆m tĕh đak.

Dơ̆ng: Tơ blơ̆