VOV4.Bahnar - Kơ sơ̆ 27/1, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ tơ ƀâp, hmach thơ thou Têt đe Kơ dră chĕp kơ̆l Kuô̆k hô̆i, bơ ngai tang măt jang kơ tă lơ̆m Kuô̆k hô̆i tơ̆ Trung ương, kăn ƀô̆, bơ ngai jang tơ̆ Anih jang kơ Kuô̆k hô̆i; vang truh pơm lêh pôk hơ păh tơ mam ăn khul grŭp, rim bơ ngai đei jơ nei ‘lơ̆ng lơ̆m tơ drong jang tơ gŭm, pơ vih pơ văn ăn Hop akŏm ưh ê ‘măng mă 1, Kuô̆k hô̆i jăl XV.

Pơ ma lơ̆m jơ pơm lêh, Kơ dră Kuô̆k hô̆i Vương Đình Huệ akhan, tĕh đak năm klĕch sơ năm 2021 hăm ƀĕnh tơ drong gleh hrat, pơ long nol. Tơ drong jang kơ Kuô̆k hô̆i ‘nŏh jĭ tơ drong jang atŭm. Dôm hop akŏm đơ̆ng Kuô̆k hô̆i, dôm hop akŏm pơ gơ̆r kiơ̆ trong atŭm. Yoa thoi nŏh, jĭ Covid-19 ƀơm kơ nê̆ tôch dêh truh tơ drong jang đơ̆ng Kuô̆k hô̆i.

Kơ dră Kuô̆k hô̆i Vương Đình Huệ pôk pơ ư, tơ chĕng ‘lơ̆ng tơ drong plang jơ hngâm, đon rơ gei, jang tơ năp đơ̆ng đĭ đăng kăn ƀô̆, bơ ngai jang, găh Anih jang Kuô̆k hô̆i, hơ pơi ‘mĕh, sơ năm 2022, rim kăn ƀô̆, bơ ngai jang găh Anih jang kơ Kuô̆k hô̆i jang hơ gei hlŏh dơ̆ng, ‘lơ̆ng hlŏh dơ̆ng, tơ năp hlŏh dơ̆ng păng mât 1 ƀơ̆r đon vă jang đei jơ nei ‘lơ̆ng hlŏh kơ sơ năm 2021.

Dơ̆ng: Tơ blơ̆