VOV4.Bahnar - Drơ̆m kơ sơ̆ ‘năr 2/6, tơ̆ Hnam Kuôk hô̆i, Kơ dră Kuôk hô̆i Vương Đình Huệ hlôi tơ ƀơ̆p muh măt Grŭp tang măt Kuôk hô̆i mơ lôh. Kơ dră Kuôk hô̆i Vương Đình Huệ lăng ‘lơ̆ng tơ drong jang đơ̆ng grŭp tang măt Kuôk hô̆i mơ lôh iŏk đơ̆ng pơ jing truh dang ei, dôm bơ ngai tang măt mơ lôh hlôi hơ tŏk ‘lơ̆ng tơ̆ dôm ‘măng hop akŏm kơ Kuôk hô̆i jăl 15. Lơ̆m tơ drong jang Kuôk hô̆i, dôm bơ ngai tang măt mơ lôh bơ̆ jang hơ bĕch hơ bal, pơ nam, đei dôm nơ̆r tơ gop ‘lơ̆ng, tôm tong, đei bơ ngai tăh hla pơ ư.

Vă hơ nơ̆ng hơ tŏk hơ năp jang păng hơ tŏk ‘lơ̆ng đei yua tơ drong ‘lơ̆ng, tơ̆ hơ năp kơnh, Kơ dră Kuôk hô̆i Vương Đình Huệ athei, dôm bơ ngai tang măt Kuôk hô̆i mơ lôh hơ nơ̆ng pơ hrăm hơ drin kiơ̆ tơ drong pơ kăp ‘lơ̆ng đơ̆ng bơ ngai tang măt Kuôk hô̆i găh jơ hngơ̆m đon chĭnh trĭ, gơh hơ gei; ‘măn đĭ jơ hngơ̆m ăn rim tơ drong jang đơ̆ng kuôk hô̆i.

Thuem: Tơ blơ̆