VOV4.Bahnar - Năm tơ mang păng hmach Têt hăm kang ƀô̆, bơ ngai jang kơ Anih tơm vei lăng găh kơ măy kơ mŏk mơ dro sa ƀlep ƀơ̆t sơ năm ‘nao Nhâm Dần, Kơ dră Kuôk hô̆i Vương Đình Huệ athei Anih tơm vei lăng găh kơ măy kơ mŏk mơ dro sa kăl kơ lăng kăl tơ drong jang pơ jing Đảng bộ mă rơ goh, mă pran kơ jăp, hơ tŏk jơ hngơ̆m đon tơ goăt tơ goăl, hơ met ming dôm tơ drong mơ mat tat, hơ met pơ ‘lơ̆ng pơ tôch dôm tơ drong oei đei vă yak mơ̆t lơ̆m tơ drong ‘nao; hơ tŏk loi dơ̆ng tơ drong jang pơm kiơ̆ ‘mơ ‘met, tơ jră ƀrăh ƀrư. Akhan, sơ năm 2022 kŭm jing sơ năm hơ nơ̆ng đei dôm long nol, mơ mat tat, Kơ dră Kuôk hô̆i Vương Đình Huệ athei, anih jang kơ măy kơ mŏk mơ dro sa kăl kơ akŏm tơ lĕch jang hrôih dôm tơ drong jang, trong vă jang vă hơ tŏk loi dơ̆ng tơ drong jang tang găn jĭ, kiơ̆ trong pơm lăp sơ đơ̆ng, tơ tĕnh păng vei lăng đei yua jĭ hơ buh kiơ̆ tơ chơ̆t đơ̆ng Kuôk hô̆i, jang kiơ̆ jơ nei dôm tơ drong hơ găt tơ lĕch ăn.

Thuem: Tơ blơ̆