VOV4.Bahnar - Pơ gê ‘năr 8-2, Kơ dră Kuôk hô̆i Vương Đình Huệ năm tơ mang, hmach Têt tơ̆ Grŭp jang chơ choh bơ̆n hơ băn ao Việt Nam (Vinatex). Tang măt kơ dră chĕp kơ̆l Đảng, teh đak, Kuôk hô̆i, Anih chĕp kơ̆l pơ gơ̆r Kuôk hô̆i, Kơ dră Kuôk hô̆i Vương Đình Huệ hmach chơt hơ iă kơ jơ nei tôch kơ lơ, tôch kơ hơ iă mă anih jang găh chơ choh bơ̆n hơ băn ao hlôi iŏk đei lơ̆m sơ năm 2021. Tơ̆ hơ năp kơnh, Kơ dră Kuôk hô̆i Vương Đình Huệ athei, Vinatex kăl kơ lăng kiơ̆ dôm tơ drong hlôh vao  ƀai hŏk kăp gĭt, băt hơ dăh tơ drong hiôk, trong jang lơ̆m tơ plih tơ drong tĕch mơ dro kơ teh đak kŭm nhen tơ drong pơ vei tĕch mơ dro tơ mam chơ choh lơ̆m jơ̆p plei teh; ‘ngoăih kơ anih tĕch tơ lĕch tơ̆ teh đak đe, grŭp jang kăl kơ lăng kăl hloh dơ̆ng anih tĕch mơ dro lơ̆m teh đak hăm vă jê̆ 100 triệu kon pơ lei. Kơ dră Kuôk hô̆i Vương Đình Huệ ‘meh vă, Vinatex kăl hơ nơ̆ng hơ met ming, pơ jing tơ drong pơ vei bơ ngai jang sơ đơ̆ng păng bơ̆ jang hrĕnh lơ̆m anih jang mơ dro sa. Hơ tŏk loi dơ̆ng tơ drong jang pơ jing Đảng bộ rơ goh, pran kơ jăp, hơ tŏk hơ năp jang đơ̆ng khŭl jang kŏng đoan lơ̆m tơ drong akŏm, tơ goăt 1 jơ hngơ̆m đon pơ jing khŭl jang kŏng nhân Việt Nam hơ gei, tih pran, bơ ngai jang iung jang hơ drol lơ̆m jang kiơ̆ hơ năp jang hơ tŏk tơ iung hrĕnh păng kơ jăp.

Thuem: Tơ blơ̆