VOV4.Bahnar - Kơ sơ̆ 29-8, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ truh pơm lêh Hơ păh Hơ năn 40 sơ năm jang Đảng. Tơ̆ jơ pơm lêh, Kơ dră Kuô̆k hô̆i Vương Đình Huệ hơ păh hơ năn 40 sơ năm jang Đảng ăn Phŏ Kơ dră chĕp kơ̆l Kuô̆k hô̆i Trần Thanh Mẫn, Phŏ Kơ dră Kuô̆k hô̆i Trần Quang Phương.

Kơ dră Kuô̆k hô̆i Vương Đình Huệ hơ păh Hơ năn 40 sơ năm jang Đảng

Pơ ma nơ̆r hơ iă hăm 2 ‘nu bơ ngai đei pôk hơ păh ăn Hơ năn 40 sơ năm jang Đảng, Kơ dră Kuô̆k hô̆i Vương Đình Huệ pơ ma hơ dăh, tơ drong hơ păh hơ năn kăp gĭt đơ̆ng Đảng âu vă chih tơ băt dôm tơ drong jơ nei, kŏng tih tên mă 2 ‘nu ƀok vang tơ gop ăn tơ drong jang kăch mang đơ̆ng Đảng, đơ̆ng hơ drĕch hơ drung. ‘Nâu ưh kơ sĭ tơ drong hưch hanh hăm kơ dih đe ƀok đĕch, mă oei jing tơ drong hơ iă atŭm hăm dôm khul jang đảng păng Đảng ƀô̆ tơ̆ Anih jang kơ Kuô̆k hô̆i dơ̆ng.

Dơ̆ng: Tơ blơ̆