VOV4.Bahnar - Gơ măng 13/5, tơ̆ cham xă Hnam hơ ri plt Hải Phòng, pơm lêh Pơ kao tơ sing ƀrê - Hải Phòng 2022, tơ băt 67 sơ năm Năr tơ blăh rơ ngei Hải Phòng. Kơ dră Kuô̆k hô̆i Vương Đình Huệ vang truh pơm lêh.

Kơ dră Kuô̆k hô̆i Vương Đình Huệ truh pơm Lêh pơ kao tơ sing ƀrê - Hải Phòng

Pơ ma ƀât blŭng jơ pơm lêh, Kơ dră vei lăng kon pơ lei plt Hải Phòng Nguyễn Văn Tùng ăn tơ băt, lơ̆m tơ drong tơ iung pơ jing păng vei lăng tĕh đak, Hải Phòng hơ nơ̆ng đei dôm chăl ƀok pơ tao năng jĭ " ‘Măng mât lĕch lơ̆m tơ ring kơ drâm", jĭ anih “tang găn blŭng a tôch kơ jăp vă vei lăng tĕh đak”.

Đei tơ drong tơ rĕk đơ̆ng Đảng păng tĕh đak, kơ na Hải Phòng hlôi jang tŏk pran. Kơ sô̆ pơ jei kơ dêh char đơ̆ng plt Hải Phòng dôm sơ năm tơ jê̆ âu tŏk hơ nơ̆ng, sơ năm đơ̆ng rŏng tŏk ‘lơ̆ng ƀiơ̆ kơ sơ năm hơ drol. Lêh pơ kao tơ sing ƀrê - Hải Phòng 2022 ‘nŏh jĭ tơ drong gĭt kăl vă roi tơ băt um rup, tưk tơ iung păng pơm hơ tŏk tơ drong ‘lơ̆ng đơ̆ng dôm tơ mam chă tơ mang lăng; vang tơ gop pơm tơ plih trong jang mŭk drăm, atŏk tơ iung mŭk drăm, tơ pôl kơ plt.

Dơ̆ng: Tơ blơ̆