VOV4.Bahnar - Gơ măng hei (9/10), tơ̆ plt Phổ Yên, dêh char Thái Nguyên pơm lêh roi tơ băt tơ drong Tơ chơ̆t đơ̆ng Anih chĕp kơ̆l pơ gơ̆r Kuô̆k hô̆i găh tơ drong pơ jing dôm phương lơ̆m thĭ xăh Phổ Yên păng pơ jing plt Phổ Yên, dêh char Thái Nguyên; sơng iŏk Mê đai bơ̆ jang dơ̆ng mă mônh ‘măng mă 3.

Kơ dră Kuô̆k hô̆i Vương Đình Huệ iung pơ ma lơ̆m jơ pơm lêh

Pơ ma lơ̆m jơ pơm lêh, Kơ dră Kuô̆k hô̆i Vương Đình Huệ pơ ma hơ dăh, plt Phổ Yên gô hơ nơ̆ng jang tŏk pran, roi đunh roi pơ drŏng ‘lơ̆ng rŏ, gơ̆h hơ gei, jing plt rŏh, gơ̆h rơ gei, hơ bĕch hơ bal, mât jang hơ doi, kŭm hăm plt Thái Nguyên, plt Sông Công păng dôm apŭng lơ̆m dêh char, pơ jing dêh char Thái Nguyên jing 1 lơ̆m dôm tơ ring jang mŭk drăm kơ măy kơ mŏk ‘nao, 1 tơ ring jang tŏk pran tơ̆ tơ ring Tŏk bŏk jăl đak krong, tơ ring groi kông Găh Tu păng tơ ring tơ ter Anih tơm Hà Nội, pơm lăp hăm đon lui păng tơ drong hơ mĕng đơ̆ng kon pơ lei.

VOV/Dơ̆ng tơ blơ̆