VOV4.Bahnar - Kơ sơ̆ ‘năr 13/1, Kơ dră Kuôk hô̆i Vương Đình Huệ hlôi vang Hop akŏm pơ tôch tơ drong jang sơ năm 2021 păng tơ lĕch jang tơ drong jang sơ năm 2022 kơ Hla ar chih tơ roi Bơ ngai tang măt Kon pơ lei. Lơ̆m sơ năm 2021, Hla ar chih tơ roi Bơ ngai tang măt kon pơ lei lơ̆m sơ năm 2021 hơ nơ̆ng jang ‘lơ̆ng hơ năp jang kơ tơ̆ng ang, tơ roi tơ băt. Hơ dai hăm ‘noh, jang ‘lơ̆ng hơ năp jang ‘noh gơng tơ ƀưh tơ roi tơ drong kơ tơ̆ng ang đơ̆ng Kuôk hô̆i, Jơ nŭm pơ gơ̆r kon pơ lei rim tơ ring truh bơ ngai tăh hla păng Kon pơ lei, dôm tơ drong hơ drin tơ plih ‘nao, pơ hnŏng bơ̆ jang đơ̆ng Kuôk hô̆i; tơ roi tơ tom jơ hngơ̆m đon tơ chĕng, hơ pơi ‘meh vă đơ̆ng rim răih Kon pơ lei.

Kơ dră Kuôk hô̆i Vương Đình Huệ phĭn hơ dai hăm bơ ngai chih hla ar tơ roi Bơ ngai tang măt Kon pơ lei

Găh tơ drong jang sơ năm 2022, Phŏ Kơ dră Kuôk hô̆i athei Hla ar chih tơ roi Bơ ngai tang măt kon pơ lei hơ nơ̆ng jang kiơ̆ tơ drong bơ̆ jang đơ̆ng Đảng khŭl Kuôk hô̆i jang kiơ̆ Tơ drong tơ chơ̆t Hop akŏm ‘măng mă  13 kơ Đảng, hơ tŏk ‘lơ̆ng hơ năp jang đơ̆ng Anih chih hơ met, Anih jang Đảng, rim khŭl jang chĭnh trĭ, tơ drong jang kơ Hla ar chih tơ roi.

Thuem: Tơ blơ̆