VOV4.Bahnar -Kơ dră tang măt Việt Nam tơ̆ Mi Nguyễn Quốc Dũng hlôi đei jơ pơ ma dơ nuh hăm yă Sarah Bianchi, Phŏ tang măt mơ dro sa Mi. 2 păh drơ̆ng nơ̆r găh tơ drong gĭt kăl đơ̆ng tơ drong pơ trŭt dôm tơ drong jang hơ dai găh mŭk drăm - mơ dro sa đơ̆ng Mi hăm tơ ring păng Việt Nam. Tơ̆ jơ tơ ƀơ̆p, ƀok Nguyễn Quốc Dũng păng yă Sarah Bianchi lăng ‘lơ̆ng tơ drong hơ tŏk tơ iung pơ vei mŭk drăm - mơ dro sa đơ̆ng 2 teh đak păng bơ ngơ̆t truh atŭm lơ̆m pơ vei mơ dro sa Việt Nam - Mi păng drơ̆ng nơ̆r tơ drong gĭt kăl đơ̆ng tơ drong pơ trŭt dôm tơ drong jang hơ dai găh mŭk drăm - mơ dro sa đơ̆ng Mi hăm tơ ring păng Việt Nam. Ƀok Nguyễn Quốc Dũng ‘meh vă 2 păh pơ vei jang hơ dai, pơ ma dơ nuh ‘lơ̆ng kiơ̆ lơ̆m dôm tơ drong oei pha ra băl. Phŏ tang măt Mơ dro sa Mi Sarah Bianchi hôn bơ nê Kơ dră tang măt Nguyễn Quốc Dũng truh tơ̆ Anih tơm Washington, ‘meh vă gô hơ nơ̆ng bơ̆ jang kơ jăp hăm Kơ dră tang măt păng Anih jang tang măt Việt Nam vă pơ trŭt jang hơ dai mŭk drăm păng mơ dro sa đơ̆ng 2 păh.

Thuem: Tơ blơ̆