VOV4.Bahnar - Drâm kơ sơ̆ (26/8), Kơ dră tĕh đak Nguyễn Xuân Phúc truh akŏm lơ̆m Năr năm hŏk tơ̆ Hnam trưng jăl 1, jăl 2 păng jăl 3 Hy Vọng – hnam trưng iŏk rong păng pơ tho ăn đe ŏh hơ iŏh ưh đei pŭn ai mĕ ƀă lôch hơ chăng yoa jĭ COVID-19 tơ̆ Đà Nẵng. Tơ̆ âu, Kơ dră tĕh đak Nguyễn Xuân Phúc pôk pơ ư đe ŏh hŏk tro tơ̆ Hnam trưng Hy Vọng mă đơ̆ng ‘nao mât hŏk đĕch mă lei hlôi yak hlŏh tơ drong hrơ mơ lou, kŭm hăm thây kô vang pơ gơ̆r năr năm hŏk tôch hơ iă.

Kơ dră tĕh đak Nguyễn Xuân Phúc kŭm hăm đe ŏh hŏk tro tơ̆ Hnam trưng Hy Vọng

Kơ dră tĕh đak pơ ma hơ dăh tơ drong juăt đơ̆ng tĕh đak Việt Nam hlôi chih pơ jing ƀai hơ ri kơ tang nuih mơng găh jơ hngâm pran Việt Nam, găh jơ hngâm đon yak hlŏh mơ mat tat, jang tŏk ‘lơ̆ng lơ̆m chăl ‘nao ning mônh kơnh roi ‘lơ̆ng hơ iă hlŏh dơ̆ng. Kơ dră tĕh đak lui hăm jơ hngâm đon ‘mêm kơ eng păng tơ drong tơ rĕk đơ̆ng tơ pôl, đe ŏh gô sơ đơ̆ng jơ hngâm hŏk pơ hrăm, pơ jing pơ lei pơ la, tĕh đak păng hơ pơi ‘mĕh đe ŏh pơ ti mĕ ƀă yoa đơ̆ng jĭ COVID-19 adrin hŏk pơ hrăm vă gơ̆h jing bơ ngai đei yoa ăn tơ pôl.

Dơ̆ng: Tơ blơ̆