VOV4.Bahnar - Pơ gê 27/1, tơ̆ Anih jang kơ ƀok Kơ dră tĕh đak Kơ dră tĕh đak bơ̆n Nguyễn Xuân Phúc sơng Tiến sĩ Kusumi Mari, Kơ dră chĕp kơ̆l Công ty TNHH Pơ tho pơ hrăm Y Khoa Nhật Bản. Tơ̆ jơ sơng, Kơ dră tĕh đak Nguyễn Xuân Phúc hôn bơ nê yă Kusumi Mari, Kơ dră chĕp kơ̆l Công ty TNHH pơ tho pơ hrăm Y khoa Nhật Bản tơ mât jên jang tơ̆ Việt Nam hăm tơ drong jang găh Hnam trưng păng hnam pơ gang.

Tiến sĩ Kusumi Mari bơ nê Kơ dră tĕh ‘măn jơ sơng păng roi tơ băt tơ drong jang dang ei oei ming man tơ̆ Việt Nam. Yă pơ ma hơ dăh đon pơ hnŏng adrin man hrôih Hnam pơ gang tơ̆ Việt Nam păng tơ mât yoa dôm kơ măy kơ mŏk ‘nao hlŏh lơ̆m tơ drong jang pơ gang kŭm nhen ki thuơ̆t hơ met jĭ rơ gei đơ̆ng Nhật Bản.

Pơ ma hơ dăh jang hơ doi găh pơ tho pơ hrăm păng pơ truh kơ măy kơ mŏk ‘nŏh jĭ tơ drong tơm tơ̆ Việt Nam, Kơ dră tĕh đak hơ pơi ‘mĕh Tiến sĩ Kusumi Mari adrin hlŏh dơ̆ng, jăh jang pơ kĕh tơ drong jang ‘nâu.

Dơ̆ng: Tơ blơ̆