Vă hơmet hrôih hloh tơdrong răm đơ̆ng 'mi kial kơsô̆ 5 păng 'mi kial đak hơbông pơrăm tơ̆ pơlei tơm Đà Nẵng păng minh ƀar dêh char tơring Tŏk bŏk, kơsơ̆ năr 19/10, Kơdră teh đak bơ̆n Nguyễn Xuân Phúc tang măt ăn Khul Kơpal  Đảng, Khul kơpal teh đak năm apinh jet gia pơma dơnuh, axong tơmam ăn kon pơlei ƀơm răm kơyuơ 'mi kial đak hơbông păng bơ̆ jang hăm Khul Kơpal pơlei tơm Đà Nẵng, rim hơnih tơm, hơnĭh bơ̆ jang găh bơ̆ jang hơmet pơ ‘lơ̆ng ‘mi kial hơbŭt hơbông pơrăm.

Kơdră teh đak Nguyễn Xuân Phúc bơ̆ jang hăm Kơdră pơlei tơm Đà Nẵng

Pơma ăh jơ bơ̆ jang, atŭm hăm dar deh hơmet pơm jang, tĕch pơdro păng xơđơ̆ng tơdrong erih ăn kon pơlei, Kơdră teh đak bơ̆n Nguyễn Xuân Phúc pơkăl hơvơn khul jang tơgŭm kon pơlei hơmet hnam oei, pơ 'nguaih rơgoh cham char đơ̆ng rŏng 'mi kial đak hơbông; hơmet trong tơlei unh răm, đak xŏ nhă, tơroi tơbăt; hơmet tenh anih jang kăl, mă hăt noh trong nơnăm, pơnơ̆ đak, y tê̆, anih ƀơm răm, vei xơđơ̆ng măh hla bar săch, tơmam drăm hŏk pơhrăm ăn hŏk tro.