VOV4.Bahnar - Pơ gê 14/7, tơ̆ Hà Nội, Kơ dră tĕh đak Nguyễn Xuân Phúc, Kơ dră Anih pơ gơ̆r tơ drong jang "Trong jang pơ jing păng hơ met pơ ‘lơ̆ng Tĕh đak chĕp kơ̆l pơ gơ̆r kiơ̆ luơ̆t XHCN Việt Nam truh sơ năm 2030, trong jang truh sơ năm 2045” pơ gơ̆r hop akŏm Khul kơ dră chĕp kơ̆l Anih pơ gơ̆r jang hăm Đảng Khul Mặt trận Tổ quốc Việt Nam găh tơ drong ‘nâu.

Kơ dră tĕh đak Nguyễn Xuân Phúc pơ ma lơ̆m jơ bơ̆ jang

Pơ ma dơ̆ng nơ̆r pơ tho đơ̆ng Ƀok Hô "Tơ guăt 1 ƀơ̆r đon, mât hơ dai 1 jơ hngâm gô iŏk đei jơ nei tih", Kơ dră tĕh đak Nguyễn Xuân Phúc pơ ma hơ dăh, Mặt trận Tổ quốc Việt Nam jĭ anih jang tôch gĭt kăl vă tưk tơ iung tơ dỏng kon pơ lei pơm tơm xã hội chủ nghĩa, tơ drong pơm tơm đơ̆ng kon pơ lei lơ̆m tơ drong pơ jing Tĕh đak chĕp kơ̆l pơ gơ̆r kiơ̆ luơ̆t xã hội chủ nghĩa Việt Nam.

Tơ̆ jơ bơ̆ jang, 1,2 tơ drong tih, gĭt kăl lơ̆m tơ drong pơ jing păng hơ met pơ ‘lơ̆ng Tĕh đak chĕp kơ̆l pơ gơ̆r kiơ̆ luơ̆t XHCN Việt Nam ƀơm truh anih dơ̆ng, hơ năp jang, tơ drong jang đơ̆ng Mặt trận Tổ quốc Việt Nam kŭm đei pơ ma nuh, pơm hơ dăh. Lơ tơ drong ƀơm truh tơ drong pơ gơ̆r, bơ̆ jang đơ̆ng Mặt trận Tổ quốc Việt Nam đei Khul chih hơ met chih răk păng tơ mât lơ̆m Hla ar chih tơ drong vă jang.

Dơ̆ng: Tơ blơ̆