VOV4.Bahnar - Pơ gê ‘năr 5/4, tơ̆ Anih jang kơ ƀok Kơ dră teh đak, Kơ dră teh đak Nguyễn Xuân Phúc hlôi bơ̆ jang hăm Trung ương Jơ nŭm ‘long pơ glang ƀrê Việt Nam găh tơ drong jang Khei ‘Mêm mơ nat 2022. Sơ năm ‘nâu, Jơ nŭm ‘long pơ glang ƀrê Việt Nam pơ jing trong vă jang khei ‘Mêm mơ nat 2022 hăm hơ năn: “Tơ klep hơ dai tơ pôl - Păr ang tơ drong jang ‘mêm mơ nat” hăm dôm tơ drong jang nhen: tơ lĕch ‘măng krao hơ vơn jên jang yua kơ tơ drong tơm ‘mêm mơ nat; tŭn pran tơ drong jang tơ roi tơ băt dôm tơ drong kăp gĭt ‘mêm mơ nat păng tơ drong jang ‘long pơ glang ƀrê; hơ tŏk loi dơ̆ng dôm tơ drong jang tơ gŭm ‘mêm mơ nat tơ̆ tơ pôl, dăr hơ len, hơ len lăng păng jang tơ gŭm dôm trong jang tơ gŭm ƀơm truh tơ drong jang ‘mêm mơ nat păng pơ gơ̆r Khŭl.

Pơ gơ̆r tơ̆ jơ bơ̆ jang, Kơ dră teh đak Nguyễn Xuân Phúc drơ̆ng nơ̆r tơ drong pơ gơ̆r lêh tơ lĕch jang Khei ‘mêm mơ nat kơ teh đak sơ năm 2022 kiơ̆ athei đơ̆ng Jơ nŭm păng drơ̆ng lăp hăm tơ drong tơ lĕch jang pơ tôch bơ̆ jang kiơ̆ tơ drong tơ chơ̆t 18 sơ năm 2018 đơ̆ng Thủ tướng teh đak găh hơ tŏk ‘lơ̆ng đei yua tơ drong jang ‘mêm mơ nat păng tơ drong jang ‘long pơ glang ƀrê lơ̆m tơ drong ‘nao.

Thuem: Tơ blơ̆