VOV4.Bahnar - Ƀlep ƀât Tết Nguyên đán-Pơ yan Puih mak Nhâm Dần 2022, Kơ dră tĕh đak Nguyễn Xuân Phúc chĕp kơ̆l khul jang kơ Đảng, tĕh đak, Mặt trận Tổ quốc Việt Nam năm hơ pong, asong tơ mam, hmach thơ thou Tết ăn 55 unh hnam dơ̆ng tang ăn dôm unh hnam đei kŏng, unh hnam tơ nuh, công nhân mơ mat tat păng bơ ngai răm đơ̆ng pơ gang Đioxin tơ̆ plt Đà Nẵng.

Kơ dră tĕh đak tơ ƀôh jơ hngâm đon mơ nat hăm dôm tơ drong mơ mat tat mă kon pơ lei oei tơ ƀâp

Tơ̆ jơ truh ngôi, Kơ dră tĕh đak Nguyễn Xuân Phúc ăn tơ băt, ƀlep ƀât ‘măng mă âu, Anih tơm Chinh trĭ, Trung ương Đảng, dôm anih jang kơ Trung ương đei nơ̆r pơ tho tôch hrôih ăn dôm khul kơ dră tơ ring lơ̆m tĕh đak, dôm anih jang đei ƀơm truh tơ rĕk sek tơ lang lơ tơ drong vă kon pơ lei lơ̆m tĕh đak sơng xa Tết sơ đơ̆ng ‘lơ̆ng, chơt hơ iă, rim bơ ngai, rim hnam đei têt ngăl. Kiơ̆ nơ̆r athei đơ̆ng Khul kơ dră tĕh đak, Kơ dră tĕh đak oei kiơ̆ tơ chơ̆t jên tơ gŭm ƀât Tết đơ̆ng 300 - 600 rơ bâu hlak jên ăn rim unh hnam đei kŏng. Găh nŏh dơ̆ng, plt Đà Nẵng oei krao hơ vơn păng tơ lĕch kơ ti hlak jên vă tơ gŭm tơ păt ăn dôm unh hnam tơ nuh.

Dơ̆ng: Tơ blơ̆