VOV4.Bahnar - Pơ ma lơ̆m jơ bơ̆ jang đơ̆ng Khul tang măt Kuô̆k hô̆i plt HCM hăm Dơ nŏ anih vei lăng kon pơ lei plt kơ sơ̆ ‘năr 13/10 găh tơ drong jang mŭk drăm - tơ pôl păng bơ̆ jang kiơ̆ Tơ drong tơ chơ̆t kơ sô̆ 54 đơ̆ng Kuô̆k hô̆i, Kơ dră tĕh đak Nguyễn Xuân Phúc akhan, truh dang ei, plt HCM kăl đei trong jang tŏk ‘nao pran hlŏh dơ̆ng vă plt pơ̆n kơ chĕng, pơ̆n jang, jang tŏk hơ bĕch hơ bal ƀiơ̆.

Kơ dră tĕh đak iung pơ ma lơ̆m jơ bơ̆ jang

Găh tơ drong jang kiơ̆ Tơ drong tơ chơ̆t 54 đơ̆ng Kuô̆k hô̆i, akhan plt HCM hlôi tơ lĕch jang đei yoa ‘lơ̆ng tơ drong tơ chơ̆t, mă lei Kơ dră tĕh đak oei pơ ma dơ̆ng, plt oei tam mă iŏk yoa hrơ̆ch ‘lơ̆ng dôm tơ drong tơ gŭm, atŭm hăm ‘nŏh pơ ma dơ̆ng nơ̆r pơ tho đơ̆ng Tổng Bí thư Nguyễn Phú Trọng lơ̆m jơ bơ̆ jang hăm plt ‘nao âu ‘nŏh, athei hơ len năng dơ̆ng tơ drong jang kiơ̆ Tơ drong tơ chơ̆t 54, đơ̆ng nŏh tơ lĕch dôm trong tơ gŭm gĭt kăl, ‘lơ̆ng hlŏh dơ̆ng vă plt jang tŏk pran hlŏh dơ̆ng.

VOV/Dơ̆ng tơ blơ̆