VOV4.Bahnar - ‘Năr 6/2, tơ̆ cham Anih gru groa gĭt kăl kơ tĕh đak Đền Hùng, plt Việt Trì – dêh char Phú Thọ, Kơ dră tĕh đak Nguyễn Xuân Phúc tơ lĕch Têt pơ tăm ‘long rim jơ hnơr ƀlŏk hơ dơ̆r kơ Ƀok Hô. Tơ drong jang yoa Anih tơm vei lăng choh jang xa păng atŏk tơ iung tơ ring tơ rang hăm Dơ nŏ anih vei lăng kon pơ lei dêh char Phú Thọ vang pơ gơ̆r.

Pơ ma lơ̆m jơ pơm lêh, Kơ dră tĕh đak Nguyễn Xuân Phúc krao hơ vơn rim bơ ngai, rim hnam, rim anih jang, khul grŭp vang tơ gop mă ‘lơ̆ng, đei yoa vă bơ̆ jang tơ drong jang pơ tăm 1 ti tơm ‘long đơ̆ng 2021-2025 – Yoa 1 Việt Nam rơ gŏh ‘lơ̆ng, tơ gop pơ jing tĕh đak bơ̆n ‘lơ̆ng rŏ, jang tŏk pran kơ jăp.

Kơ dră tĕh đak oei athei dêh char Phú Thọ pơ tăm tŏ sĕt hlŏh ‘nŏh 2 triu tơm ‘long lơ̆m sơ năm ‘nâu nhen hlôi đei tơ lĕch. Lơ̆m nŏh, sơ năm 2020, Thủ tướng tĕh đak đei nơ̆r pơ kăp 45 athei pơ gơ̆r Têt pơ tăm ‘long păng hơ tŏk tơ drong vei lăng bri vă bơ̆ jang tơ drong jang pơ tăm 1 ti tơm ‘long “Yoa mĭnh Việt Nam rơ gŏh ‘lơ̆ng". Sơ năm 2021 Thủ tướng tĕh đak kĭ ăn tơ drong jang kơ sô̆ 524 hăm tơ drong tơm truh đĭ sơ năm 2025, lơ̆m tĕh đak pơ tăm đei 1 ti tơm ‘long.

Dơ̆ng: Tơ blơ̆