VOV4.Bahnar -  Pơ gê ‘năr 6/4, tơ̆ Tiền Giang, Kơ dră teh đak Nguyễn Xuân Phúc năm tơ mang tơ drong jang pơm tơ lĕch tĕch mơ dro kơ Hơp tak xăh plei gu ga Mỹ Tịnh An, apŭng Chợ Gạo, mĭnht ơ drong jang bơ̆ jang đei iŏk yua gơ nang đơ̆ng jang hơ dai kon pơ lei jang chŭn mir kơ jăp, mă kăl ‘noh jĭ ling lang răt iŏk plei gu ga ăn bơ ngai jang lơ̆m hơp tak xăh hăm kơ jă măk ƀiơ̆ kơ anih tĕch mơ dro, vei sơ đơ̆ng đei yua tŏ sĕt hloh 3.000 hlak jên 1 kĭ kơ tă hloi mưh anih tĕch mơ dro kơ jur kơ jă. Kơ dră teh đak lăng ‘lơ̆ng Hơp tak xăh Mỹ Tịnh An đei tơ drong jang pơm tơ lĕch tĕch mơ dro đei yua, pơ gơ̆r jang hơ dai pơm tơ lĕch ‘lơ̆ng, hơ tŏk tơ iung tơ ring pơ tăm tơ mam tơm tơ ring nhen plei gu ga, gao. Tơ mam pơm tơ lĕch hăm kơ măy kơ mŏk hơ gei, vei sơ đơ̆ng ‘lơ̆ng, yak truh tĕch ăn lơ anih tĕch mơ dro teh đak đe hơ len hloh kiơ̆ trong ‘lơ̆ng. Kơ dră teh đak kŭm athei Hơp tak xăh Mỹ Tịnh An hơ nơ̆ng tŭn pran jang hơ dai, pơ̆ih să tơ drong jang pơm tơ lĕch jing lơ tơ mam tơm kơ tơ ring, ‘ngoăih kơ plei gu ga; đei trong jang tĕch tơ mam pơ đĭ hloi ăn teh đak đe păng lơ̆m teh đak.

Thuem: Tơ blơ̆