VOV4.Bahnar - Kơ sơ̆ 23/1, Kơ dră tĕh đak Nguyễn Xuân Phúc truh hơ pong, bơ̆ jang hăm Khul tang măt Kuô̆k hô̆i pơ lei tơm (plt) Hồ Chí Minh. Pơ ma tơ̆ âu, Kơ dră tĕh đak Nguyễn Xuân Phúc athei Khul tang măt Kuô̆k hô̆i plt hil tơ hlâu dôm tơ drong pơm tơ tŏ đon tơ pôl, pơm glăi luơ̆t tôch dêh tơ̆ plt, mă loi jĭ tơ drong pơm glăi jơ hngâm đon tơ pôl, tĕh dong, ƀơ ƀrơ̆h đe hơ iŏh nhen brei drou.

Kơ dră tĕh đak Nguyễn Xuân Phúc bơ̆ jang hăm Khul tang măt Kuô̆k hô̆i plt HCM

Kơ dră tĕh đak oei athei Khul tang măt Kuô̆k hô̆i plt tơ rĕk, hơ len năng rim tơ drong jang mŭk drăm, tơ pôl, hơ met pơ ‘lơ̆ng luơ̆t, mă loi jĭ đơ̆ng rŏng dôm tơ drong tĕch ôn kơ phĭu, rơih anih răt tơ mam nhen khei ‘năr âu ki. Kơ dră tĕh đak oei athei Khul tang măt Kuô̆k hô̆i plt Hồ Chí Minh ‘moi kiơ̆ trong jang đơ̆ng Đảng, khôi luơ̆t tĕh đak, hơ tŏk đon kơ chăng hơ năp jang hăm Đảng, hăm bơ ngai tăh hla păng kon pơ lei; hơ nơ̆ng hơ tŏk jơ hngâm đon jang chinh trĭ; hơ met pơ ‘lơ̆ng trong pơ gơ̆r, khôi luơ̆t vă huei đei bơ ngai iŏk pơ gâm luơ̆t tam mă kơ jăp, huei hlôh vao ưh kơ trŏ, hơ nhăk tơ drong đei yoa ‘lơ̆ng hlŏh tơ̆ yăn âu.

Dơ̆ng: Tơ blơ̆