VOV4.Bahnar - Ƀlep ƀơ̆t năm pơm lêh et hơ tŏk Hnam soi kơ linh lôch dŏng teh đak tơ̆ Anih tơ blăh sơ̆ Điện Biên Phủ păng bơ̆ jang tơ̆ dêh char Điện Biên lơ̆m 2 năr ‘năr 17 păng ‘năr 18/5, Kơ dră teh đak Nguyễn Xuân Phúc hlôi soh nhang, dan pơ kao ƀlŏk hơ dơ̆r kơ đe lĭnh nŭih mơng lôch dŏng teh đak tơ̆ pơ sat lĭnh lôch dŏng teh đak kơ teh đak A1, vang năm lăng tơ̆ Anih ‘măn răk tơ mam drăm so jơ nei jơ hnơr arih Điện Biên Phủ; tơ mang, asong vă jê̆ 160 tơ pu tơ mam ăn kơ đe lĭnh so Điện Biên lơ̆m dêh char. Kơ dră teh đak Nguyễn Xuân Phúc păng khŭl soh nhang ƀlŏk hơ dơ̆r kơ đe Lĭnh nŭih mơng lôch dŏng teh đak tơ̆ pơ sat linh lôch dŏng teh đak kơ teh đak A1.

Đang kơ ‘noh, kơ dră teh đak Nguyễn Xuân Phúc năm tơ mang tơ̆ Anih ‘măn răk tơ mam drăm so jơ nei jơ hnơr arih Điện Biên Phủ, hơ nih pơ dă, roi tơ ƀôh dôm hla ar, tơ mam găh tơ drong tơ blăh Điện Biên Phủ sơ̆. Chih hla ar tơ băt tơ̆ Anih ‘măn răk, Kơ dră teh đak Nguyễn Xuân Phúc tơ ƀôh đon ƀrơ̆k kơ jơ hngơ̆m năm tơ mang tơ̆ Anih ‘măn răk, hơ nih ‘măn răk dôm tơ mam, um rup, jơ hngơ̆m nuih mong plang hơ kâu đơ̆ng đe linh nŭih mơng lôch dŏng teh đak, khŭl linh Điện Biên lơ̆m tơ drong tơ blăh Điện Biên Phủ prăt 56 măng năr, vă pơm đei jơ nei ang hơ dăh jơ̆p apŭng plĕnh teh.

Thuem: Tơ blơ̆