VOV4.Bahnar - Ƀlep ƀât tơ băt 77 sơ năm Năr pơ jing khul linh Công an kon pơ lei (19/8), ‘năr brei (18/8), Kơ dră tĕh đak Nguyễn Xuân Phúc, ƀok yŏng dôm khul linh tơ blăh kơ kon pơ lei, Kơ dră Anih vei lăng sơ đơ̆ng tĕh đak truh hơ pong, bơ̆ jang hăm Anih vei sơ đơ̆ng mŭk drăm (Anih tơm vei lăng Công an). 

Tang măt ăn kơ dră chĕp kơ̆l Đảng, Tĕh đak, Kơ dră tĕh đak Nguyễn Xuân Phúc pơ truh nơ̆r ăn đĭ đăng yŏng, si kuan, kăn ƀô̆, linh găh Khul linh CA kon pơ lei pơ ma atŭm, khul linh vei sơ đơ̆ng mŭk drăm pơ ma adrô̆ jơ hngâm đon păng nơ̆r pơ ma ‘lơ̆ng hơ iă hlŏh ƀlep ƀât tơ băt 77 sơ năm Năr pơ jing Khul linh Công an kon pơ lei.

Kơ dră tĕh đak pôk pơ ư khul linh vei sơ đơ̆ng mŭk drăm tơ tom chă ƀôh, sek tơ lang ‘lơ̆ng dôm tơ drong krê hơ mơt đei lơ̆m khei ‘năr mât jang hơ doi mŭk drăm hăm apŭng plenh tĕh, vei kơ jăp tơ drong pơm tơm kơ dih, tơ gop tang găn dôm tơ drong krê hơ mơt hăm tơ drong sơ đơ̆ng tĕh đak, vei lăng trong jang, tơ drong tơ gŭm atŏk tơ iung mŭk drăm lơ̆m lơ tơ drong jang kăl. 

Dơ̆ng: Tơ blơ̆