VOV4.Bahnar - Hơ nơ̆ng tơ drong jang bơ̆ jang tơ̆ Quảng Ngãi, Kơ dră teh đak Nguyễn Xuân Phúc hlôi đei jơ bơ̆ jang hăm Khŭl pơ gơ̆r Anih jang Đảng dêh char Quảng Ngãi. Pơ ma pơ gơ̆r tơ̆ jơ bơ̆ jang, Kơ dră teh đak Nguyễn Xuân Phúc akhan, lơ̆m tơ drong mơ mat tat nhen sơ năm âu ki mă lei khŭl kơ dră păng kon pơ lei Quảng Ngãi hlôi 1 jơ hngơ̆m đon jang kiơ̆ dôm trong jang trŏ ƀlep hơ tŏk tơ iung mŭk drăm - tơ pôl; hơ met pơ ‘lơ̆ng lơ tơ drong oei đei, tơ chă dôm trong jang hơ tŏk tơ iung păng trong lĕch đei yua. Dôm jơ nei sơ năm 2021 ‘noh jĭ tơ drong ‘lơ̆ng vă hơ tŏk tơ iung gĭt kăl hăm Quảng Ngãi tơ̆ hơ năp kơnh. Khei ‘năr tơ̆ hơ năp kơnh, Kơ dră teh đak athei Đảng bộ, khŭl kơ dră păng kon pơ lei Quảng Ngãi hơ tŏk jơ hngơ̆m đon joăt joe kach mang, tơ gĕch iŏk đei yua tôm 1 Việt Nam pơm iĕ vă pơ trŭt hơ tŏk tơ iung. Dêh char kăl kơ dăr hơ len dơ̆ng chĕng hơ met tĕh akŏm hăm tơ drong ‘lơ̆ng păng trĕng lăng đunh truh sơ năm 2050, Hơ nih jang mŭk drăm Dung Quất Quảng Ngãi tơ gop hơ met ming mŭk drăm kơ jăp.

Thuem: Tơ blơ̆