VOV4.Bahnar - Ƀlep ƀât tơ băt Năr apŭng plenh tĕh kơ đe hơ iŏh, ‘năr 31/5, Kơ dră tĕh đak Nguyễn Xuân Phúc truh ngôi, pơ lung păng hơ păh tơ mam ăn đe hơ iŏh jo jăn tơ̆ Anih rong ‘me hơ iŏh jo jăn Hà Nội (thĭ trơ̆n Chúc Sơn, apŭng Chương Mỹ).

Kơ dră tĕh đak Nguyễn Xuân Phúc hơ păh tơ mam ăn hơ iŏh jo jăn tơ̆ Hà Nội

Pơ truh nơ̆r hmach thơ thou hơ iă hlŏh hăm đe hơ iŏh ƀlep ƀât Năr apŭng plenh tĕh kơ đe hơ iŏh, Kơ dră tĕh đak Nguyễn Xuân Phúc tơ chĕng ‘lơ̆ng mưh đe thây kô, kăn ƀô̆ vei lăng, bơ ngai jang tơ̆ Anih âu ‘măn đĭ jơ hngâm, jang tôch tơ năp, ƀĕnh jơ hngâm đon ‘mêm kơ eng, vei lăng rong ‘me, pơ tho ăn đe hơ iŏh jo jăn tôm tơ drong.

Pơ ma hơ dăh Đảng, Tĕh đak ling lang tơ rĕk truh tơ̆ đe hơ iŏh pơ ma atŭm păng hơ iŏh jo jăn pơ ma adrô̆, Kơ dră tĕh đak pơ ma hơ dăh, tơ drong vei lăng năng tông đe hơ iŏh kăl vang jang hơ doi, kăl akŏm đei jơ hngâm đon ‘lơ̆ng đơ̆ng đĭ đăng tơ pôl ‘năi. Ƀlep ƀât ‘măng mă âu, Kơ dră tĕh đak Nguyễn Xuân Phúc hơ păh ăn Anih rong ‘me hơ iŏh jo jăn Hà Nội 100 triu hlak jên păng krao hơ vơn tơ pôl vang tơ gŭm ăn Anih dôm tơ mam vă pơ tho pơ hrăm đei kơ jă truh 200 triu hlak jên.

Dơ̆ng: Tơ blơ̆