VOV4.Bahnar - Kơ sơ̆ ‘năr 16/2, Kơ dră teh đak Nguyễn Xuân Phúc hlôi năm tơ mang, asong tơ mam păng pơ ma dơ nuh hăm Khŭl kơ dră chĕp kơ̆l, kŏng nhân, bơ ngai jang Kŏng ti hlŏng đak dâu Bình Sơn (Quảng Ngãi). Chot hơ iă năm tơ mang dơ̆ng tơ̆ hnam kơ măy hlŏng đak dâu Dung Quất, dơ̆ng lăng tơ drong jơ nei tĕch mơ dro hơ iă đơ̆ng kŏng ti Bình Sơn, Kơ dră teh đak hôn bơ nê kơ kŏng nhân, bơ ngai jang Bình Sơn ưh kơ pơ dơh jang pơ keh joh ayŏ đơ̆ng kŏng ti ‘moi kiơ̆ tơ drong pơm kiơ̆ dôm tơ drong pơ kăp tơ păt, rơ đăh.

Kơ dră teh đak năm tơ mang, asong tơ mam ăn kŏng nhân Kŏng ti hlŏng đak dâu Bình Sơn

Gơ nang đơ̆ng noh, iŏk yua đơ̆ng kŏng ti hloh 44%, iŏk đei lơ găh iŏk yua đơ̆ng rŏng kơ thuê̆ păng đei lơ jơ nei ‘nao hơ gei pran kơ tang, đei yua. Kơ dră teh đak kŭm athei kơ dră chĕp kơ̆l dêh char Quảng Ngãi bơ ngơ̆t truh, pơm tơ drong hiôk tôch ai, đei trong jang tơ gŭm kăl vă oei sa, jang sa dơ nơ̆ng ăn kŏng nhân, bơ ngai jang kơ Kŏng ti Bình Sơn.

Thuem: Tơ blơ̆