VOV4.Bahnar - Hơ nơ̆ng dôm tơ drong jang tơ̆ Anih tơm Tokyo, ‘năr 26/ 9, Kơ dră teh đak Nguyễn Xuân Phúc hlôi pơ ma dơ nuh hăm Kơ dră Thượng viện Nhật Bản Otsuji Hidehisa. Kơ dră teh đak Nguyễn Xuân Phúc tơ ƀôh jơ hngơ̆m đon vang sơ ‘ngon đơ̆ng Kơ dră Đảng, Teh đak, Kuôk hô̆i păng kon pơ lei Việt Nam truh Thượng viện kŭm nhen kon pơ lei Nhật Bản găh tơ drong lôch hơ chăng đơ̆ng nhap ƀok Thủ tướng Abe Shinzo; lăng ‘lơ̆ng tơ drong pơ vei jang hơ dai đơ̆ng nghị viện 2 teh đak tŏk bŏk đei dôm hơ yak hơ tŏk tơ iung ‘lơ̆ng lơ̆m dôm sơ năm tơ jê̆ âu.

Kơ dră teh đak Nguyễn Xuân Phúc pơ ma dơ nuh hăm Kơ dră Thượng viện Nhật Bản

Kơ dră teh đak Nguyễn Xuân Phúc akhan, khei ‘năr âu ki, tơ drong pơ vei jang hơ dai jrŭ să, tơ ƀơ̆p pơ ma dơ nuh, jang hơ dai đơ̆ng Kuôk hô̆i 2 teh đak roi ‘năr roi kơ jăp, đei yua. Kiơ̆ đơ̆ng noh, Kơ dră teh đak ‘meh vă 2 teh đak hơ tŏk loi dơ̆ng dôm tơ drong jang hơ dai, mă loi ‘noh jĭ năr tơ băt 50 sơ năm pơ jing tơ drong pơ vei jang tơ bôl lơ̆m sơ năm 2023.

VOV.VN

Thuem: Tơ blơ̆