Tơ̆ jơ pơma nuh, 2 păh drơ̆ng nơ̆r hơ tŏk tơ drong pơ gơ̆r tơ ƀâp, pơma nuh tih; hơ nơ̆ng tưk tơiung hơnăp jang đơ̆ng dôm anih chih pơjing luơ̆t vă pơm hơtŏk tơ drong pơvei 2 pang kŭm nhen jang hơdoi vang dăr lăng dôm tơdrong drơ̆ng nơ̆r jang hơdoi đơ̆ng 2 tĕh đak; roi tơbăt ăn băl dôm tơdrong mưh pơjing păng hơmet pơ ‘lơ̆ng trong jang, khôi luơ̆t vă pơjing tơdrong hiôk hian ăn tơdrong jang hơdoi đơ̆ng 2 tĕh đak.

Pơma nuh găh tơdrong lơ̆m apŭng plenh tĕh păng tơ̆ tơring, Kơ dră tĕh đak athei Kuô̆k hô̆i Thái Lan hơnơ̆ng tơ gŭm, vei kơjăp trong jang atŭm đơ̆ng ASEAN găh vei lăng rơngei, hiôk sơđơ̆ng, ‘lơ̆ng hơiă tơ̆ trong đak dơ sĭ păng trong gre păr tơ̆ đak dơsĭ Biển Đông, sek tơ lang dôm tơdrong tơ gar băl kiơ̆ trong rơngei, ‘moi kiơ̆ khôi luơ̆t apŭng plenh tĕh.