VOV4.Bahnar - Đĭ truh jơ năr bơ̆n ưh lăp athei tơ plih ‘nao đon hlôh vao păng oei tom tơ lĕch trong bơ̆ jang vă vang vei lăng tơ drong arih xa kơ đĭ đăng bơ̆n. ‘Nâu jĭ nơ̆r tơ băt đơ̆ng Kơ dră tĕh đak Nguyễn Xuân Phúc gơih ăn Lêh tơ lĕch tơ drong jang kiơ̆ Năr Đak apŭng plenh tĕh, Năr hơ yuh plenh tĕh kơ apŭng plenh tĕh păng Jơ plei tĕh sơ năm 2022 đei Anih tơm vei lăng tơ mam drăm păng cham char pơ gơ̆r pơ gê 23/03, tơ̆ Hà Nội.

Hơ năn Năr Đak, Năr hơ yuh plenh tĕh păng Jơ plei teh sơ năm ‘nâu tơ klep kơ jăp hăm băl vă krao hơ vơn đĭ đăng tơ pôl vang hơ tŏk tơ drong jang, pơ jing trong jang, pơ gơ̆r bơ̆ jang mă tơ tom. Tơ̆ lêh tơ lĕch, Anih tơm vei lăng tơ mam drăm păng cham char hơ păh tơ mam ăn tơ drong thi “Hơ yuh plenh tĕh lơ̆m ŏh” ‘măn ăn đe ŏk hŏk tro jăl 2 păng jăl 3 lơ̆m tĕh đak.

Dơ̆ng: Tơ blơ̆