VOV4.Bahnar - Ƀlep ƀât tơ băt 92 sơ năm Năr pơ jing Đảng păng hơ met ăn Têt Nguyên đán Nhâm Dần 2022, kiơ̆ tơ drong juăt đơ̆ng hơ drĕch hơ drung, Kơ dră tĕh đak Nguyễn Xuân Phúc truh sŏh plang nhang ƀlŏk hơ dơ̆r kơ đe ƀok Kơ dră chĕp kơ̆l Đảng, tĕh đak hlôi lôch hơ chăng.

Kơ dră tĕh đak Nguyễn Xuân Phúc truh sŏh nhang ăn nhap Đại tướng Võ Nguyên Giáp

Kơ sơ̆ 25/1, Kơ dră tĕh đak Nguyễn Xuân Phúc truh sŏh plang nhang ƀlŏk hơ dơ̆r kơ nhap ƀok Nguyễn Đức Cảnh ƀlep ƀât vă tơ băt 114 sơ năm Năr rơ nĕh ƀok (1908-2022) tơ̆ Hnam ƀlŏk hơ dơ̆r ƀok Nguyễn Đức Cảnh, plt Hải Phòng. Lơ̆m ‘măng mă âu mơ̆n, Kơ dră tĕh đak Nguyễn Xuân Phúc truh sŏh nhang ăn nhap Đại tướng Võ Nguyên Giáp – Bơ ngai linh kăch mang nuih mơng, hŏk tro tôch rơ gei kơ Ƀok Hô; Yŏng chĕp kơ̆l păng jing Đại tướng mă blŭng kơ Khul linh kon pơ lei Việt Nam. Kơ dră tĕh đak Nguyễn Xuân Phúc truh sŏh plang nhang ăn nhap Đại tướng Trần Đại Quang, sơ̆ pơm Kơ dră tĕh đak, Kơ dră Jơ nŭm vei lăng sơ đơ̆ng tĕh đak, Kơ dră Anih pơ gơ̆r jang Hơ met ming tư phap Trung ương đơ̆ng sơ năm 2016 - 2018.

Dơ̆ng: Tơ blơ̆