VOV4.Bahnar - Pơ gê 18/1, lơ̆m tơ drong bơ̆ jang tơ̆ An Giang, Kơ dră tĕh đak Nguyễn Xuân Phúc sŏh plang nhang, ƀlŏk hơ dơ̆r tơ̆ Anih gru groa Hnam ƀlŏk hơ dơ̆r kơ nhap ƀok Kơ dră Tôn Đức Thắng tơ̆ Mỹ Hòa Hưng, plt Long Xuyên.

Kơ dră tĕh đak Nguyễn Xuân Phúc păng Khul jang sŏh plang nhang, pơ yơ̆r pơ kao ƀlŏk hơ dơ̆r kơ nhap ƀok Kơ dră Tôn Đức Thắng, 1 lơ̆m dôm ‘nu linh jơ hnơr mă blŭng kơ tơ drong iung tơ blăh đơ̆ng công nhân păng tơ drong jang kăch mang Việt Nam, bơ ngai hlôi plang đĭ jơ hnơr ăn tơ drong jang kăch mang kơ hơ drĕch hơ drung, ăn kon pơ lei pơm tơm păng tơ drong jang kăch mang xã hội chủ nghĩa.

Ƀok kơ dră Tôn Đức Thắng (1888 - 1980) jĭ Kơ dră tĕh đak mă 2 păng mă hơ tuch kơ tĕh đak Việt Nam Dân chủ Cộng hòa păng đơ̆ng rŏng âu ‘nŏh jĭ Kơ dră tĕh đak mă blŭng kơ tĕh đak Cộng hòa Xã hội Chủ nghĩa Việt Nam. Ƀok Hô sơ̆ pơ ư kơ ƀok akhan "jĭ bơ ngai đei jơ hngâm đon kăch mang tôch ‘lơ̆ng, đĭ jơ hnơr arih xa tơ păt ‘lơ̆ng, đĭ jơ hngâm pơ vih ăn kăch mang, pơ vih ăn kon pơ lei".

Dơ̆ng: Tơ blơ̆