Kơ dră tĕh đak pơ ma hơ dăh Việt Nam năng kăl tơ drong pơ vei jang hơ doi lơ tơ drong hăm tĕh đak Qatar; tơ ƀôh đon hơ iă tơ̆ hơ năp dôm tơ drong jang tŏk pran ‘lơ̆ng lơ̆m tơ drong pơ vei đơ̆ng 2 tĕh đak; tơ chĕng ‘lơ̆ng tơ drong pơ gơ̆r ăn khul grŭp tơ ƀâp, pơ ma nuh păng tơ gŭm băl lơ̆m rim hop akŏm lơ pang.

Kơ dră tĕh đak Nguyễn Xuân Phúc sơng Bơ ngai tang măt tĕh đak Qatar

Vă hơ tŏk hlŏh dơ̆ng tơ drong jang hơ doi đơ̆ng Việt Nam păng Qatar tơ̆ hơ năp kơnh, Kơ dră tĕh đak athei 2 păh jang hơ doi vang pơ gơ̆r dôm tơ drong jang vă tơ băt 30 sơ năm pơ jing tơ drong pơ vei, jang tơ bôl lơ̆m sơ năm 2023; hơ tŏk ăn khul grŭp tơ ƀâp, pơ ma nuh hăm băl; athei anih tĕch mơ dro păng dôm anih mong jên tơ mât jang Qatar tơ mât jên jang tơ̆ Việt Nam mă lơ ƀiơ̆. Kơ dră tĕh đak hơ pơi ‘mĕh Bơ ngai tang măt mă iŏk jang tơ drong jang kiơ, hơ nơ̆ng pơm gơng tơ ƀưh vă hơ tŏk tơ drong pơ vei, jang hơ doi đơ̆ng 2 tĕh đak.