VOV4.Bahnar - Kơ sơ̆ brei, 27/5, Kơ dră teh đak Nguyễn Xuân Phúc hlôi sơng Khŭl bơ ngai Hàn Quốc tơ̆ Việt Nam yua đơ̆ng yă Chang Eun Sook, Kơ dră Khŭl chĕp kơ̆l. Kơ dră teh đak Nguyễn Xuân Phúc pơ ma hơ dăh găh tơ drong pơ vei ‘lơ̆ng hơ iă đơ̆ng rŏng 30 sơ năm Việt Nam-Hàn Quốc pơ jing tơ drong pơ vei jang tơ bôl păng dang ei tŏk bŏk jing teh đak jang hơ dai. Hàn Quốc jĭ teh đak đei jên tơ mơ̆t jang tih tơ̆ Việt Nam, kơ sô̆ chih jô̆ akŏm đei 80 ti đô la Mi hăm hloh 9.000 tơ drong jang. Dang ei đei hloh 200 rơ bâu ‘nu Hàn Quốc tŏk bŏk arih sa, bơ̆ jang tơ̆ Việt Nam. Oei tơ̆ Hàn Quốc ‘noh kŭm đei dang 200 rơ bâu ‘nu Việt Nam hŏk pơ hrăm, bơ̆ jang, arih sa. Hăm tơ drong ‘lơ̆ng ‘noh, Kơ dră teh đak ‘meh vă Khŭl bơ ngai Hàn Quốc tơ̆ Việt Nam đei lơ trong jang pơ trŭt jang hơ dai 2 teh đak lơ̆m lơ tơ drong jang.

Thuem: Tơ blơ̆