Tơ̆ jơ sơng, Kơ dră tĕh đak Nguyễn Xuân Phúc  pơ ma hơ dăh, Việt Nam ling lang adrin tơ gŭm ăn Lào yak hlŏh dôm tơ drong mơ mat tat, dar dĕh pơm sơ đơ̆ng, jang tŏk tơ iung ming dơ̆ng mŭk drăm, tơ pôl.

Pơ ma hơ dăh, sơ năm 2022 đei năng tôch gĭt kăl lơ̆m jơ hnơr arih găh tơ drong pơ vei kơ 2 tĕh đak, yă Sisay Leudetmounsone ăn tơ băt, 2 păh hlôi jang hơ doi vang pơ gơ̆r lơ tơ drong đei yoa, gĭt kăl, tơ gop hơ met kơ jăp păng hơ tŏk tơ drong pơ vei mĭnh ƀơ̆r đon, ‘lơ̆ng hơ iă, pơ vei gĭt kăl đơ̆ng 2 Đảng, 2 tĕh đak păng kon pơ lei 2 tĕh đak. Yă Sisay Leudetmounsone pơ ma hơ dăh vă kŭm hăm rim jơ hnơr chĕp kơ̆l kŭm nhen jơ hnơr mơ lôh kơ Lào hơ nơ̆ng vei kơ jăp păng tưk tơ iung tơ drong pơ vei gĭt kăl, ‘lơ̆ng hơ iă đơ̆ng sơ̆ kơ 2 Đảng, 2 tĕh đak.