VOV4.Bahnar - Kŭm lơ̆m kơ sơ̆ ‘năr 21/3/2022, tơ̆ Anih jang kơ ƀok Kơ dră teh đak, Kơ dră teh đak Nguyễn Xuân Phúc hlôi sơng Thủ tướng Malaysia Dato’ Sri Ismail Sabri bin Yaacob ƀlep ƀơ̆t năm tơ mang tơ̆ Việt Nam. Kơ dră teh đak Nguyễn Xuân Phúc hơ len lăng ‘măng tơ mang đei tơ drong ‘lơ̆ng hơ iă gĭt kăl vă pơm tơ drong ‘lơ̆ng ‘nao hơ tŏk tơ iung pơ vei jang hơ dai đơ̆ng 2 teh đak. Kơ dră teh đak tơ ƀôh jơ hngơ̆m đon hơ iă gĭt kăl găh 1 teh đak Malaysia ‘lơ̆ng rŏ păng ‘nao; hmach kơ Malaysia vei đei tơ drong jang tŏk GDP sơ năm 2021 đei 3,1% păng yak truh pơ̆ih ‘măng sơng tơ moi apŭng plĕnh teh đơ̆ng ‘năr 01/4/2022; lui ngeh akhan Khŭl kơ dră teh đak Malaysia gô jang kiơ̆ jơ nei Trong tơ lĕch jang 5 sơ năm ‘măng mă 12, hơ nhăk Malaysia jing teh đak iŏk yua lơ lơ̆m sơ năm 2025 păng đei hơ năp jang, anih dơ̆ng apŭng plĕnh teh roi ‘năr roi lơ. Kơ dră teh đak Nguyễn Xuân Phúc athei 2 teh đak tơ gĕch iŏk yua dôm tơ drong ‘lơ̆ng đơ̆ng dôm tơ drong tơ chơ̆t mơ dro sa hiôk hian yua đơ̆ng 2 păh vang jang, tŭn pran jang hơ dai pơ jing mŭk drăm hơ iă lơ̆m Tơ pôl mŭk drăm ASEAN vă vang tơ iung ming păng jang tŏk.

Thuem: Tơ blơ̆