VOV4.Bahnar - Kơ dră teh đak Nguyễn Xuân Phúc ‘nao đei ‘măng tơ ƀơ̆p bơ ngai jang Đak dâu hơ gei lơ̆m tơ drong jang pơ jei băl bơ̆ jang hơ gei jăl jang 2017-2022. Kơ dră teh đak hơ len lăng, 70 ‘nu kang ƀô̆, bơ ngai jang đak dâu hơ gei hloh lơ̆m tơ drong jang pơ jei băl “ Bơ̆ jang hơ gei - Bơ̆ jang pơ cheh ‘lơ̆ng” jĭ iŏk yua ‘lơ̆ng đơ̆ng tơ drong jang tơ mơ̆t jên jang, pơ tho pơ hrăm ming, hơ tŏk tơ iung khŭl kang ƀô̆, bơ ngai jang đak dâu ‘lơ̆ng pơm lăp hăm ‘meh vă hơ năp jang ‘nao.

Kơ dră teh đak Nguyễn Xuân Phúc asong tơ mam tơ băt ăn dôm bơ ngai tang măt

Kiơ̆ kơ ƀok Kơ dră teh đak, dôm tơ drong hơ pơi ‘meh plang jơ hngơ̆m păng hơ tŏk tơ iung pran kơ tang đơ̆ng dôm jơ hnơr kang ƀô̆, bơ ngai jang lơ̆m anih jang ‘noh tơ ƀôh ‘lơ̆ng đơ̆ng Tơ drong hơ iă găh đak dâu, jĭ tơ drong tơm gĭt kăl pơm đei tơ drong hơ tŏk tơ iung pran kơ tang đơ̆ng anih jang. Kơ dră teh đak kŭm athei anih jang đak dâu ưh kơ pơ dơh tơ gop gĭt kăl vei sơ đơ̆ng ŭnh hơ yuh păng pơm tơ ‘ngla kơ dih găh ŭnh hơ yuh tơ̆ hơ năp ‘meh vă hơ tŏk tơ iung jăl jang ‘nao.

Thuem: Tơ blơ̆