VOV4.Bahnar - Gơ măng 30/1, tơ̆ apŭng Ba Tri, dêh char Bến Tre pơm lêh tơ băt 200 sơ năm Năr rơ nĕh Bơ ngai rơ gei, đei ư hơ nhang Nguyễn Đình Chiểu; 30 sơ năm Năr jŏh ayŏ kơ dŏ xoang kơ dêh char Bến Tre. Truh akŏm păng iung pơ ma lơ̆m jơ pơm lêh, Kơ dră tĕh đak Nguyễn Xuân Phúc pơ ma hơ dăh, Nguyễn Đình Chiểu hlôi yak hlŏh kơ băt dôm tơ drong tơ drong mơ mat tat lơ̆m tơ drong arih xa, jing 1 ‘nu ƀok thây pơ gang tôch rơ gei, 1 ‘nu ƀok thây pơ tho tôch tơ năp, 1 ‘nu bơ ngai chih thơ hơ nơ̆ng năm hơ drol lơ̆m tơ drong tơ blăh tang găn hơ yăt.

Kơ dră tĕh đak Nguyễn Xuân Phúc iung pơ ma lơ̆m jơ pơm lêh

Kơ dră tĕh đak hơ iă mưh ƀôh tơ drong tơ plih ‘nao, jang tŏk tôch pran găh mŭk drăm tơ pôl, mă loi jĭ khei ‘năr tơ jê̆ âu Đảng ƀô̆ Bến Tre đei lơ tơ drong adrin yak hlŏh mơ mat tat, akŏm jơ hngâm tơ mât jên ăn tơ drong jang tŏk, lơ anih jang, trong tŏk bŏk đei tơ mât jên man nhen Gơng Rạch Miễu 2, dôm tơ drong jang pơm unh điên hăm kial…; lơ tơ drong iung jang xa 'nao tŏk bŏk đei tơ lĕch jang tơ̆ plei ƀok Chiểu, vang tơ gop ăn dôm tơ drong jơ nei atŭm kơ tĕh đak.

Dơ̆ng: Tơ blơ̆