VOV4.Bahnar - ‘Năr 29/7, Kơ dră jang lơ̆m Anih tơm Chinh trĭ, Kơ dră tĕh đak Nguyễn Xuân Phúc pơ gơ̆r hop akŏm mă 2 Anih vei lăng sơ đơ̆ng tĕh đak jăl jang 2021 – 2026. Kơ dră tĕh đak Nguyễn Xuân Phúc pôk pơ ư dôm khul linh tĕh đak khul linh Công an, Anih jang tơ bôl păng dôm anih tơm, anih jang kơ pal kơ Trung ương kơ chăng băt hơ dăh rim tơ drong, tơ blang, hơ len năng, tơ dra hơ drol dôm tơ drong ƀơm truh tơ drong tơ blăh Nga - Ukraine, tơ rom roi tơ ƀôh, tơ lĕch nơ̆ pơ ma, athei hăm kơ dră chĕp kơ̆l Đảng, tĕh đak găh dôm đon tơ chĕng, trong jang, trong tơ jră trŏ ƀlep, lăp ‘lơ̆ng.

Anih vei sơ đơ̆ng pơ ma nuh, tơ gop nơ̆r găh tơ drong vei sơ đơ̆ng jên hu khei ‘năr âu ki păng tơ dra hơ drol rim tơ drong tơ̆ hơ năp kơnh. Anih vei sơ đơ̆ng athei khul linh Công an păng dôm khul linh đei ƀơm truh tơ̆ hơ năp hơ nơ̆ng tưk tơ iung dôm tơ drong hlôi jang đei, tơ chĕng hơ len, roi tơ ƀôh ăn Đảng, tĕh đak dôm trong jang, tơ drong tơ gŭm kŭm nhen tơ lĕch jang hrơ̆ch ‘lơ̆ng, pran kơ tang, đei yoa dôm tơ drong jang vă vei sơ đơ̆ng jên hu, tơ gop ‘lơ̆ng ăn tơ drong jang tơ iung ming dơ̆ng mŭk drăm, tơ pôl kơ tĕh đak.

Dơ̆ng: Tơ blơ̆