VOV4.Bahnar - Anih pơ gơ̆r jang pơ jing Tơ drong jang “ pơ tôch 10 sơ năm jang kiơ̆ Tơ drong tơ chơ̆t Trung ương 8 jăl XI găh Tơ drong jang vei lăng teh đak lơ̆m tơ drong ‘nao” ‘nao đei hop akŏm hăm bơ ngai tang măt Quân ủy Trung ương, Anih chĕp kơ̆l kơ Khŭl pơ gơ̆r jang păng tang măt Grŭp chih hơ met ming păng Grŭp tơ gŭm tơ drong jang ăn Anih pơ gơ̆r jang. Kơ dră  teh đak Nguyễn Xuân Phúc, Bơ ngai jang lơ̆m Anih tơm Chĭnh trĭ, Kơ dră Anih pơ gơ̆r jang Tơ drong jang pơ gơ̆r hop akŏm. Pơ ma tơ̆ ‘măng hop akŏm, Kơ dră teh đak pơ ma hơ dăh tơ drong pơ tôch Tơ drong tơ chơ̆t Trung ương 8 găh Tơ drong jang vei lăng teh đak lơ̆m tơ drong ‘nao đei tơ drong ‘lơ̆ng tôch kơ gĭt kăl. Yua thoi noh, Tơ drong jang pơ truh ăn Trung ương athei mă ‘lơ̆ng, tơ păt păng athei hơ len lăng tôm tơ drong pơ tôch jang kiơ̆ Tơ drong tơ chơ̆t, hơ dai hăm ‘noh tơ ƀôh ăn dôm tơ drong ‘lơ̆ng, tam mă ‘lơ̆ng, kơ kĕ tơ răn, tơ drong tơm pơm ăn, hơ năp jang păng dôm ƀai hŏk hlôh vao, hơ dai hăm ‘noh băt hơ dăh trong jang, tơ drong tơm, trong jang vei lăng teh đak lơ̆m tơ drong ‘nao.

Thuem: Tơ blơ̆