VOV4.Bahnar - Pơ gê ‘năr 9/6, Binh đoàn 11 (Anih tơm vei lăng khŭl linh teh đak) pơ gơ̆r Lêh tơ băt 40 sơ năm Năr joăt joe Binh đoàn (11/6/1982-11/6/2022) păng sơng iŏk Mê đai vei lăng teh đak dơ̆ng mă Pêng. Tơ̆ jơ pơm lêh, tang măt kơ dră chĕp kơ̆l Đảng păng teh đak, Kơ dră teh đak pơ jao Mê đai Vei lăng teh đak dơ̆ng mă Pêng asong ăn Binh đoàn 11.

Pơ ma pơ tho tơ ƀôh tơ̆ jơ pơm lêh, Kơ dră teh đak pơ ma hơ dăh Binh đoàn 11 tơ ƀôh đei tơ drong kĕ jang tôm tong lơ̆m pơm, iŏk jang dôm tơ drong jang tơm kơ Anih tơm vei lăng khŭl linh teh đak; pơm tơm lơ̆m tơ drong jang pơ jing ‘lơ̆ng đơ̆ng Khŭl linh, lơ̆m noh ƀôh hơ dăh ‘noh jĭ tơ drong jang Hnam Kuôk hô̆i Lào đei buăl lăng ‘lơ̆ng, tơ gop hơ tŏk ‘lơ̆ng bưng ai, anih dơ̆ng kơ teh đak, Khŭl linh bơ̆n păng pơm ‘lơ̆ng tơ drong tơ goăt tơ goăl tơ bôl gĭt kăl Việt - Lào. Bơ̆ jang kiơ̆ tơ drong jang tơ̆ hơ năp kơnh, Kơ dră teh đak athei Binh đoàn 11 (Anih tơm vei lăng khŭl linh teh đak) hơ nơ̆ng bơ̆ jang kiơ̆ ‘lơ̆ng hloh dơ̆ng hơ năp jang, tơ drong jang đơ̆ng khŭl linh, hơ tŏk tơ drong pran đơ̆ng anih jang mơ dro sa khŭl linh lơ̆m bơ̆ jang kiơ̆ hơ dai hơ tŏk tơ iung hăm hơ met ming vei lăng sơ đơ̆ng teh đak.

Thuem: Tơ blơ̆