VOV4.Bahnar - Kơ sơ̆ 25/8, tơ̆ Anih jang kơ ƀok Kơ dră tĕh đak, Kơ dră tĕh đak bơ̆n Nguyễn Xuân Phúc sơng ƀok Choi Young-joo, sơ̆ pơm Kơ dră vei lăng Khul jang tơ bôl Hàn Quốc-Việt Nam, Kơ dră Grŭp jang Panko Hàn Quốc.

 Kơ dră tĕh đak Nguyễn Xuân Phúc sơng ƀok Choi Young-joo, Kơ dră Grŭp jang Panko Hàn Quốc

Tơ̆ jơ sơng, Kơ dră tĕh đak Nguyễn Xuân Phúc tơ chĕng ‘lơ̆ng Grŭp jang Panko hơ tŏk tơ drong tơ mât jên jang tơ̆ Việt Nam, atŭm hăm ‘nŏh chĕng ‘lơ̆ng ƀok Choi Young-joo, sơ̆ pơm Kơ dră Khul jang tơ bôl Hàn Quốc-Việt Nam păng pơm hloi Kơ dră chĕp kơ̆l Grŭp jang Panko đei lơ tơ drong tơ gŭm gĭt kăl ăn Việt Nam lơ̆m tơ drong tang găn jĭ Covid – 19.

Mă loi lơ̆m khei ‘năr jĭ tơ pŏh dêh hlŏh tơ̆ plt Hồ Chí Minh, ƀok krao hơ vơn anih tĕch mơ dro Hàn Quốc tơ gŭm 1 triu USD păng đĭ đăng kơ sô̆ jên âu hlôi gơih ăn plt Hồ Chí Minh vă tang găn jĭ. Kơ dră tĕh đak hơ pơi ‘mĕh Grŭp jang Panko tơ gop pơm hơ tŏk jên iŏk yoa đơ̆ng tĕch mơ dro Việt Nam-Hàn Quốc jăh tŏk truh 100 ti USD lơ̆m khei ‘năr truh.  

Dơ̆ng: Tơ blơ̆