VOV4.bahnar - Kơ sơ̆ ‘năr 11/2, tơ̆ anih jang kơ ƀok Kơ dră teh đak, Kơ dră teh đak Nguyễn Xuân Phúc sơng Kơ dră tang măt Mi păng Kơ dră tang măt Mexico pơ truh hla ar jang tơ bôl. Sơng Kơ dră tang măt Mi, ƀok Marc Evans Knapper pơ truh hla ar jang tơ bôl, Kơ dră teh đak Nguyễn Xuân Phúc hmach chơt hơ iă kKơ dră tang măt năm hơ lơ̆k dơ̆ng tơ̆ Hà Nội. Kơ dră teh đak lăng ‘lơ̆ng kơ dră tang măt lơ̆m kơ plăh bơ̆ jang tơ̆ Anih jang tang măt Mi tơ̆ Việt Nam jăl jang 2004 - 2007 hlôi tơ gop gĭt kăl pơ trŭt tơ drong pơ vei 2 teh đak.

Kơ dră teh đak Nguyễn Xuân Phúc sơng Kơ dră tang măt Mi, ƀok Marc Evans Knapper

Kơ dră teh đak lui ngeh lơ̆m jăl jang bơ̆ jang tơ̆ Việt Nam, Kơ dră tang măt gô hơ drin tơ gop lơ hloh dơ̆ng lơ̆m tơ drong pơ trŭt tơ drong pơ vei Việt Nam păng Mi. Sơng Kơ dră tang măt Mexico pơ truh hla ar jang tơ bôl, Kơ dră teh đak hmach chơt hơ iă kơ ƀok Alejandro Negrin Munoz hlôi đei pôk pơm Kơ dră tang măt Liên bang Mexico tơ̆ Việt Nam, hơ dai hăm ‘noh lui ngeh Kơ dră tang măt hăm tơ drong jang gơh hơ gei lơ̆m jang tơ bôl gô jang đang ‘lơ̆ng hloh jăl jang bơ̆ jang, tơ gop hơ tŏk tơ iung tơ drong pơ vei tơ bôl joăt joe păng jang hơ dai lơ tơ drong đơ̆ng 2 teh đak.

Thuem: Tơ blơ̆