Pơ ma tơ̆ jơ tơ ƀâp, Kơ dră tĕh đak Nguyễn Xuân Phúc pơ ma hơ dăh, mă kơ plăh dang ei oei đei lơ tơ drong mơ mat tat mă lei dôm bơ ngai tĕch mơ dro Việt Nam lơ̆m nŏh đei bơ ngai tĕch mơ dro oei mơ lôh, ưh gơ̆h pơm tơ hiong đon lui păng athei kơ chăng iŏk jang hơ năp jang pơm ư hơ nhang hơ drĕch hơ drung lơ̆m anih tĕch mơ dro apŭng plenh tĕh.

Kơ dră tĕh đak pơ ma hơ dăh, dôm bơ ngai lơ̆m Khul tĕch mơ dro oei mơ lôh kơ Việt Nam tŏk bŏk chă tơ drong jang ăn hlŏh 3 triu ‘nu bơ ngai jang, iŏk yoa đơ̆ng tĕch mơ dro 1 sơ năm dang hlŏh 30 ti USD kơ na bơ ngai tĕch mơ dro oei mơ lôh, ưh lăp đei hơ năp jang tôch trăp trĭn găh tĕch mơ dro đĕch, mă oei đei hloi hơ năp athei jang hăm tơ pôl, hăm tĕh đak, hăm jơ hnơr arih.