VOV4.Bahnar - Ƀlep ƀât tơ băt 47 sơ năm năr Tơ blăh jơ nei pơ yan Puih mak (30/4), Kơ dră tĕh đak Nguyễn Xuân Phúc tơ ƀâp khul hŏk tro tơ ring Pơ băh tơ̆ groi tĕh găh Tu tơ̆ Hnam hôp Thống Nhất (plt Hồ Chí Minh). Hơ nơ̆ng chĕp vei tơ drong juăt ‘lơ̆ng đơ̆ng dôm jơ hnơr hŏk tro tơ ring Pơ băh adrol sơ̆, hŏk tro tơ ring Pơ băh chăl đơ̆ng rŏng hơ nơ̆ng pơ tâp pơ hrăm, đei Đảng lui, đei kon pơ lei ‘mêm.

Dôt jĭt ‘nu bơ ngai adrol sơ̆ đei jang lơ̆m Khul kơ dră chĕp kơ̆l Trung ương Đảng iŏk jang lơ kơ chư̆k tih lơ̆m Anih tơm, anih jang kơ pal kơ Trung ương. Mă loi lơ̆m khei ‘năr tơ plih ‘nao tôm tơ drong kơ tĕh đak, lơ "kon hơ ‘lơ̆p kăch mang sơ̆" hlôi tơ ƀôh hơ dăh bưng ai kơ dih lơ̆m tơ drong jang atŏk tơ iung mŭk drăm, pơm pơ drŏng ăn tĕh đak.

Kơ dră tĕh đak Nguyễn Xuân Phúc pơ ma hơ dăh, rim jơ hnơr hŏk tro tơ ring Pơ băh mă jang tơ drong jang kiơ, mă oei tơ̆ yơ hơ nơ̆ng ‘măn đĭ jơ hngâm đon lui kiơ̆ Đảng, tĕh đak, chĕp răk kơ jăp kŏng Đảng, Ƀok Hô păng hơ nơ̆ng ‘măn jơ hngâm đon ‘mêm kơ eng, tơ drong chu hŭt hơ kâu lôch tang, vang tơ gŭm băl đơ̆ng kon pơ lei tơ̆ tơ ring găh Tu.

Dơ̆ng: Tơ blơ̆