VOV4.Bahnar - Lơ̆m khei 3/2022, Kơ dră tĕh đak vă pơ gơ̆r Hop akŏm tơ lĕch trong tơ mât jên jang tơ̆ apŭng Củ Chi, Hóc Môn. ‘Nŏh jĭ nơ̆r roi tơ băt đei Anih tơ lĕch trong tĕch mơ dro păng tơ mât jên jang plt HCM ăn tơ băt tơ̆ jơ hôp rim khei vă roi tơ băt găh tơ drong jang mŭk drăm, tơ pôl păng tang găn jĭ COVID-19 pơ gơ̆r kơ sơ̆ (7/3). Tơ̆ hop akŏm, Kơ dră tĕh đak Nguyễn Xuân Phúc gô đei ƀai iung pơ ma nơ̆r pơ tho.

‘Ngoăih kơ ‘nŏh, Anih Tơ proh trong - Kiến trúc păng Anih vei lăng trong nơ năm plt vă roi tơ băt găh tơ drong chĕng hơ met, tơ proh trong jang, pơm trong gre tơ̆ Củ Chi păng Hóc Môn. Bơ ngai tang măt ăn dôm anih tĕch mơ dro oei pơ ma nuh tơ păt hăm kơ dră chĕp kơ̆l plt, dôm anih jang păng tơ drong kĭ pơ kăp hla ar tơ mât jên jang đơ̆ng dôm anih jang kơ pal, dôm anih tĕch mơ dro…

Tơ̆ ‘ngoăih hop akŏm oei vă pơ gơ̆r pơ dă tơ ƀôh 55 tơ drong jang krao đe tơ mât jên jang păng dôm tơ mam đơ̆ng choh jang xa hăm kơ măy kơ mŏk ‘nao kơ 2 apŭng ƀơm truh tơ drong man anih jang, pơm trong, hơ met pơ ‘lơ̆ng tơ ring kơ drâm, jang kơ măy, choh jang xa…akŏm đĭ đăng jên vă tơ mât jang pơ hlom năng truh 285.000 ti.

Dơ̆ng: Tơ blơ̆