VOV4.Bahnar - Kơ sơ̆ 25/9, Kơ dră tĕh đak Nguyễn Xuân Phúc kŭm hăm kơ dră tang măt ăn tĕh đak Việt Nam truh tơ̆ cham gre păr Haneda, Tokyo, pơ tơm bơ̆ jang lơ̆m ‘măng năm hơ pong, vang pơm Lêh pơ dong nhap Thủ tướng so Nhật Bản Abe Shinzo.

Kơ dră tĕh đak Nguyễn Xuân Phúc truh tơ̆ cham gre păr Haneda, Tokyo

Kiơ̆ tơ drong vă jang, Kơ dră tĕh đak Nguyễn Xuân Phúc păng khul jang kơ Việt Nam vă truh pơm Lêh pơ dong nhap Thủ tướng so Abe Shinzo; pơ ma đam hăm Thủ tướng Nhật Bản dang ei Kishida Fumio; tơ ƀâp Kơ dră Hạ viện, Kơ dră Thượng viện Nhật Bản; truh tơ ƀâp ƀok Pơ tao Nhật Bản sơng Kơ dră chĕp kơ̆l khul jang kơ dôm tĕh đak; sơng Kơ dră Khul Ngĭ si jang tơ bôl Nhật - Việt păng Thủ tướng so Suga Yoshihide;

Tơ ƀâp kơ dră chĕp kơ̆l 1,2 tơ ring; tơ ƀâp dôm Bơ ngai tang măt so ăn Nhật Bản tơ̆ Việt Nam; tơ ƀâp 2 pang hăm kơ dră chĕp kơ̆l 1,2 tĕh đak vang truh pơm Lêh pơ dong; tơ ƀâp Kơ dră chĕp kơ̆l Anih vei lăng châu Âu; bơ ngai tang măt Việt Nam rơ gei tơ̆ Nhật Bản.

Dơ̆ng: Tơ blơ̆