VOV4.Bahnar - Đơ̆ng rŏng kơ chă hơ len lăng yan âu găh tơ drong teh tơ drŏ tơ̆ apŭng Kon Plông, pơ gê ‘năr 21/4, Khŭl bơ̆ jang kơ Anih pơ gơ̆r jang teh đak găh tang găn tơ drong truh đơ̆ng tŏ ‘mi kial pơ răm hlôi đei jơ bơ̆ jang hăm Anih pơ gơ̆r tang găn tŏ ‘mi kial pơ răm păng Tơ chă dŏng tơ drong truh dêh char Kon Tum. Kiơ̆ tơ roi tơ băt, mă đơ̆ng tam mă đei ƀôh hiong răm găh bơ ngai kŭm nhen mŭk drăm, mă lei dôm ‘măng teh tơ drŏ khei ‘năr âu ki hlôi pơm ăn kon pơ lei tơ tăm.

Khŭl bơ̆ jang kơ Anih pơ gơ̆r jang bơ̆ jang hăm Anih  pơ gơ̆r tang găn tŏ ‘mi kial pơ răm păng Tơ chă dŏng tơ drong truh  dêh char Kon Tum

Kiơ̆ lơ̆m chih iŏk nơ̆r tơ gop đơ̆ng khŭl kơ dră apŭng Kon Plông, dêh char Kon Tum păng tang măt Anih tơm, anih jang kơ pal kŭm nhen bơ ngai joăt jang, Khŭl bơ̆ jang kơ Anih pơ gơ̆r jang teh đak găh tang găn tơ drong truh đơ̆ng tŏ ‘mi kial pơ răm akhan, ƀơ̆t măt kăl akŏm lơ̆m tơ drong dăr hơ len dôm tơ drong đei ƀơm yan âu đơ̆ng ‘măng teh tơ drŏ hlôi đei ƀôh tơ̆ tơ ring. Kăl kơ tŭn pran tơ roi tơ băt, krao hơ vơn tơ gŭm kon pơ lei, khŭl kơ dră tơ ring ƀôh krê hơ mơt, tơ drong ƀơm ưh kơ ‘lơ̆ng đơ̆ng teh tơ drŏ vă kơ chăng tang găn.

Thuem: Tơ blơ̆