VOV4.Bahnar - Tơ̆ Anih bơ̆ jang kơ Anih tơm jang tơ bôl, Kơ dră Anih tơm jang tơ bôl Bùi Thanh Sơn hlôi sơng Phŏ kơ dră tơm jang tơ Ấn Độ Saurabh Kumar ƀlep ƀơ̆t ‘măng năm tơ mang tơ̆ Việt Nam păng vang pơ gơ̆r ‘măng chă hơ len lăng chĭnh trĭ ‘măng mă 12 păng pơ ma dơ nuh tơ drong jang ‘măng mă 9 đơ̆ng Anih tơm jang tơ bôl 2 teh đak đơ̆ng ‘năr 29 - 31/5/2022. Tơ̆ jơ sơng, Kơ dră tơm Bùi Thanh Sơn athei 2 păh hơ nơ̆ng vang hơ dai băl pơ trŭt dôm tơ drong tơm jang tơ dai gĭt kăl nhen: Chĭnh trĭ - jang tơ bôl, khŭl linh - sơ đơ̆ng, mơ dro sa - tơ mơ̆t jên jang, khoa hŏk - kơ măy kơ mŏk, joh ayŏ păng tơ ƀơ̆p pơ ma dơ nuh đơ̆ng kon pơ lei, mă kăl ‘noh jĭ pơ trŭt jang hơ dai tơ mang lăng lơ̆m khei ‘năr 2 teh đak hlôi pơ̆ih ‘măng sơ lam păng tŏk bŏk pơ gơ̆r dôm tơ drong jang ‘lơ̆ng hơ iă vă tơ băt 50 sơ năm Năr pơ jing tơ drong pơ vei jang tơ bôl (1972 - 2022). Phŏ kơ dră tơm jang tơ bôl Ấn Độ pơ ma hơ dăh Ấn Độ ling lang lăng Việt Nam jĭ teh đak gĭt kăl lơ̆m trong jang tơ gŭm “ Bơ̆ jang păh hơ lĕch”, hơ dai hăm pơ kăp jang hơ dai pơ trŭt hloh dơ̆ng tơ drong pơ vei jang tơ dai tôm tơ drong đơ̆ng 2 teh đak tơ̆ hơ năp kơnh.

Thuem: Tơ blơ̆